మంత్రి కొండా సురేఖ రాజీనామా చేసే ఆలోచనలో ఉన్నట్లు సమాచారం. సీఎం రేవంత్‌రెడ్డిపై ఆమె కుమార్తె కొండా సుస్మిత చేసిన అవినీతి ఆరోపణల నేపథ్యంలో సురేఖ దంపతులు కాంగ్రెస్‌ అధిష్ఠానంతో విభేదిస్తున్నట్లు తెలుస్తోంది. భవిష్యత్‌ కార్యాచరణపై నిర్ణయం తీసుకునేందుకు నేడు హైదరాబాద్‌లో తమ అనుచరులతో కొండా దంపతులు సమావేశం కానున్నారు. పార్టీలో కొనసాగాలా, రాజీనామా చేయాలా అనే అంశంపై అనుచరులతో చర్చించిన అనంతరం నిర్ణయం ప్రకటించే అవకాశం ఉంది.