కరీంనగర్ రూరల్: ఇరుకుల్ల శివారులోని సమ్మక్క గద్దెల సమీపంలో 1.011 కిలోల గంజాయిని స్వాధీనం చేసుకుని, బెజ్జంకి ప్రేమ్‌కుమార్‌ను అరెస్టు చేసినట్లు కరీంనగర్ రూరల్ సీఐ నిరంజన్‌రెడ్డి తెలిపారు. నిందితుడి వద్ద నుంచి బైక్, సెల్‌ఫోన్ జప్తు చేశారు. పరారీలో ఉన్న మరో నిందితుడు కాశిపాక నవీన్ కోసం గాలింపు వేగవంతం చేసినట్లు పేర్కొన్నారు. సమర్థవంతంగా పనిచేసిన సిబ్బందిని సీపీ గౌష్ ఆలం అభినందించారు.