జనగామ జిల్లా రఘునాథపల్లి మండలం నిడిగొండ సమీపంలో జరిగిన రోడ్డు ప్రమాదంలో ఓ మహిళకు తీవ్ర గాయాలయ్యాయి. బానాజీపేటకు చెందిన ఎర్రపుడి యాదగిరి అతని భార్య వెంకటమ్మ(40)తో కలిసి ద్విచక్రవాహనంపై వెళ్తున్నారు. నిదిగొండ సమీపంలోని ఫ్లైఓవర్ వద్దకు రాగానే ద్విచక్ర వాహనాన్ని వెనక నుంచి వచ్చిన డీసీఎం ఢీకొట్టింది.ఈ ఘటనలో వెంకటమ్మకు తీవ్ర గాయాలు కాగా స్థానికులు ఆసుపత్రికి తరలించారు. పోలీసులు ఘటనపై కేసు నమోదు చేసుకుని దర్యాప్తు చేపట్టారు.