నిర్మల్: వాల్మీకి నగర్ లోని శ్రీ సరస్వతీ శిశు మందిర్ పాఠశాలలో రక్షాబంధన్ వేడుకలు ఘనంగా నిర్వహించారు. ఈ కార్యక్రమనికి ముఖ్య అతిథిగా కమలాకర్ రావు పాల్గొన్నారు. ఆయన మాట్లాడుతూ రక్షాబంధన్ భారతీయ సంస్కృతిలో అత్యంత విశిష్టమైన పండుగ అని విద్యార్థులకు మన పండుగల వెనుక పురాణాలు, ఇతిహాసాలు తెలియజేయాలని అన్నారు. అనంతరం ఈ పాఠశాలలో మౌలిక వసతుల సదుపాయాలకు తన వంతు కృషి చేస్తానని అన్నారు. విద్యార్థులు, ఆచార్యులు నీకు నేను రక్ష, నాకు నీవు రక్ష, మనమిద్దరము దేశానికి, ధర్మానికి రక్ష అని రక్షబంధనం జరుపుకున్నారు.