కరీంనగర్: ప్రవక్త మహమ్మద్ బోధించిన ప్రేమ, దయ, కరుణ, సోదరభావం అందరికీ స్ఫూర్తిదాయకమని కలెక్టర్ చిత్రా మిశ్రా, సీపీ గౌష్ ఆలం అన్నారు. కరీంనగర్‌లో నిర్వహించిన మిలాద్‌-ఉన్‌-నబీ ర్యాలీలో వారు పాల్గొని మాట్లాడారు. మహమ్మద్ ప్రవక్త జీవితాన్ని ఆదర్శంగా తీసుకుంటూ సమాజంలో శాంతి, ఐక్యతలను కాపాడి దేశాభివృద్ధికి కృషి చేయాలని కోరారు. ప్రజలంతా పండుగను ప్రశాంత వాతావరణంలో జరుపుకోవాలని ఆకాంక్షించారు.