పోలీస్ శాఖలో అంకితభావంతో, బాధ్యతాయుతంగా విధులు నిర్వహిస్తూ విశిష్ట సేవలకు రాష్ట్రస్థాయి అవార్డు అందుకున్న హోంగార్డ్ ఎం.డి. అక్తర్‌ను మెట్‌ప‌ల్లి మర్కజీ ఇంతెజామీ సెంట్రల్ కమిటీ ఘనంగా సన్మానించింది. అధ్యక్షులు అస్తర్ జానీ, కమిటీ సభ్యులు అబ్దుల్ హఫీజ్ ఆధ్వర్యంలో ఈ కార్యక్రమం నిర్వహించారు. కర్తవ్యనిష్ఠ, సేవాభావంతో విధులు నిర్వహిస్తూ ప్రజల పట్ల బాధ్యతగా వ్యవహరించి మెట్‌ప‌ల్లి ప్రాంతానికి మంచి పేరు తీసుకువచ్చిన ఎం.డి. అక్తర్‌ను కమిటీ సభ్యులు అభినందించారు. ఈ సందర్భంగా ఆయనకు శుభాకాంక్షలు తెలిపారు.