గన్నవరం నుంచి నేడు రెండు కొత్త సర్వీసులు ప్రారంభం అయ్యాయి. వారణాసి, కోల్‌కతాకు వారంలో 3 రోజులు గన్నవరం నుంచి ఈ సర్వీసులు నడపనుంది ఇండిగో. ఈ విమానాన్ని వర్చువల్‌గా ప్రారంభించారు కేంద్రమంత్రి రామ్మోహన్‌నాయుడు. కోల్‌కతాలో మధ్యాహ్నం 2.10 గం.కు బయలుదేరనుంది ఇండిగో విమానం. మధ్యాహ్నం 3.55 గం.కు వారణాసి చేరుకోనుంది విమానం. వారణాసి నుంచి సాయంత్రం 5.50 గం.కు విజయవాడ రానుంది విమానం. సాయంత్రం 6.20 గం.కు విజయవాడలో బయలుదేరనుంది విమానం. రాత్రి 8.20 గం.కు వారణాసి చేరుకోనుంది ఇండిగో విమానం. తిరిగి వారణాసి నుంచి బయలుదేరి రాత్రి 10.15 గం.కు కోల్‌కతా వెళ్లనుంది విమానం. వారణాసి-కోల్‌కతా సర్వీసు ప్రారంభించడం ఆనందంగా ఉందని.. ఇది ఆధ్యాత్మిక కార్యక్రమంగా భావిస్తున్నా అన్నారు కేంద్రమంత్రి రామ్మోహననాయుడు. ఏపీకి ప్రపంచవ్యాప్తంగా పెట్టుబడులు వస్తున్నాయని.. విజయవాడకు విమాన కనెక్టివిటీని పెంచేందుకు చర్యలు చేపట్టామన్నారు. రానున్న రోజుల్లో విజయవాడ నుంచి మరిన్ని సర్వీసులు నడుపుతాం అన్నారు. విజయవాడ ఎయిర్‌పోర్టు కొత్త టెర్మినల్‌ను త్వరలోనే తీసుకొస్తామన్నారు.