పినపాక మండల కేంద్రంలోని ఎస్సీ బాలుర హాస్టల్‌ను ఎంపీడీఓ సంకీర్త్ ఆకస్మికంగా తనిఖీ చేశారు. హాస్టల్‌లో విద్యార్థులకు అందుతున్న భోజనం, పారిశుధ్యం, తాగునీటి సౌకర్యం, వసతి, హాజరు రికార్డులను పరిశీలించారు. విద్యార్థులకు ఎలాంటి ఇబ్బందులు లేకుండా అన్ని మౌలిక సదుపాయాలు కల్పించాలని హాస్టల్ వార్డెన్ గుంటుపల్లి సతీష్ కు సూచించారు. ప్రభుత్వ నిబంధనల మేరకు నాణ్యమైన సేవలు అందించాలని, విద్యార్థుల ఆరోగ్యం, భద్రత విషయంలో నిర్లక్ష్యం వహించవద్దని, హాస్టల్ నిర్వహణలో లోపాలు ఉంటే వెంటనే సరిదిద్దాలన్నారు.