దుబాయ్‌లో నివసిస్తున్న సోమారంపేట గ్రామ వాస్తవ్యులు, అల్ట్రీ షా గ్రూప్ ఆఫ్ కంపెనీస్ చైర్మన్, కాంగ్రెస్ పార్టీ దుబాయ్ ఇన్‌చార్జ్ పల్లె బాలరాజు గౌడ్ మానవత్వాన్ని చాటుకున్నారు. ప్రభుత్వ ఆసుపత్రిలో చికిత్స పొందుతున్న నిరుపేదలు, గర్భిణీ స్త్రీలకు అండగా నిలవాలనే ఉద్దేశంతో ప్రతి గురువారం అన్నప్రసాద కార్యక్రమాన్ని నిర్వహించేందుకు శ్రీకారం చుట్టారు. ఈ సందర్భంగా పలువురు నాయకులు ఆయన సేవాభావాన్ని అభినందించారు. కార్యక్రమంలో పట్టణ కాంగ్రెస్ అధ్యక్షుడు సందీప్, డీసీసీ ఉపాధ్యక్షుడు గంప ప్రసాద్, ఘాజీ, మాచారెడ్డి మండల కాంగ్రెస్ అధ్యక్షుడు నౌసీలాల్ నాయక్, శ్రీనివాస్ గౌడ్, రమేష్ గౌడ్, అనంత రెడ్డి తదితరులు పాల్గొన్నారు.