ఐపీఎల్ 2026లో వరుస విజయాలతో దూసుకుపోతున్న సన్‌రైజర్స్ హైదరాబాద్‌ జోరుకు KKR కళ్లెం వేసింది. సొంతగడ్డపై కోల్‌కతా నైట్‌రైడర్స్‌తో జరిగిన మ్యాచ్‌లో హైదరాబాద్ 7 వికెట్ల తేడాతో ఓటమిపాలైంది. టాస్ గెలిచి తొలుత బ్యాటింగ్ చేసిన SRH 19 ఓవర్లలో 165 పరుగులకు ఆలౌటైంది. ఈ లక్ష్యాన్ని కోల్‌కతా 18.2 ఓవర్లలో 3 వికెట్లు కోల్పోయి ఛేదించింది. అంగ్‌క్రిష్‌ రఘువంశీ (59; 47 బంతుల్లో 5 ఫోర్లు, 2 సిక్స్‌లు), అజింక్య రహానె (43; 36 బంతుల్లో 4 ఫోర్లు, 1 సిక్స్‌) రాణించారు. ఫిన్ అలెన్ (29; 13 బంతుల్లో 3 ఫోర్లు, 2 సిక్స్‌లు), రింకు సింగ్ (22*; 11 బంతుల్లో 2 ఫోర్లు, 1 సిక్స్‌) ఫర్వాలేదనిపించాడు. 10 మ్యాచ్‌ల్లో హైదరాబాద్‌కు ఇది నాలుగో ఓటమి. కోల్‌కతాకు ఇది వరుసగా మూడో విజయం. ప్రస్తుతం కేకేఆర్ ఖాతాలో ఏడు పాయింట్లున్నాయి.