గోనెగండ్ల మం. అల్వాల గ్రామంలో మానవత్వం మరోసారి వెలుగొందింది. 12 ఏళ్లుగా గ్రామంలో అనాథగా, మతిస్థిమితం లేకుండా తిరుగుతూ జీవిస్తున్న ఓ వ్యక్తి అనారోగ్యంతో మరణించగా, గ్రామస్తులు తీవ్ర విషాదంలో మునిగిపోయారు. అతనికి ఎలాంటి కుటుంబ సభ్యులు లేకపోయినా, గ్రామస్తులు కన్నీటి పర్యంతమయ్యారు. కుల, మత భేదాలకు అతీతంగా ఐక్యతను చాటుకున్న గ్రామస్తులు ముస్లిం సంప్రదాయాల ప్రకారం అంత్యక్రియలను నిర్వహించారు. ముస్లిం మైనార్టీ సభ్యులు ఆత్మబంధువుల్లా ముందుకు వచ్చి అంత్యక్రియలకు కావాల్సిన అన్ని ఏర్పాట్లు చేశారు. గ్రామస్థుల ఈ మానవత్వం, సహానుభూతి సామాజిక ఐక్యతకు మంచి ఉదాహరణగా నిలిచింది.