మల్యాల మండల కేంద్రంలో ప్రజాపాలన-ప్రగతి నివేదిక 99 రోజుల యాక్షన్ ప్లాన్ సమావేశం మల్యాల ఎంపీడీవో ఆధ్వర్యంలో నిర్వహించారు. రేషన్ కార్డులు, ఇందిరమ్మ ఇండ్లు, గృహజ్యోతి, రైతు భరోసా, రుణమాఫీ, మహాలక్ష్మి గ్యాస్, కల్యాణ లక్ష్మి, ఆరోగ్యశ్రీ సహా 11 సంక్షేమ పథకాలు, ప్రభుత్వం అమలు చేస్తున్న అభివృద్ధి కార్యక్రమాల గురించి డీఆర్డీవో రఘువరన్ వివరించారు. ఎంపిడీవో స్వాతి సీఎం పంపించిన సందేశాన్ని చదివి వినిపించారు. మండలాధికారులు, సర్పంచ్, ఉప సర్పంచ్, కార్యదర్శులు, ఇతర శాఖల అధికారులు, మహిళా సంఘాల సభ్యులు హాజరయ్యారు.