మెట్‌పల్లి: కళానగర్ కాలనీలో రోజురోజుకూ ట్రాఫిక్ సమస్య తీవ్రరూపం దాల్చుతోంది. కాలనీలోకి వెళ్లే రహదారి ఇరుకుగా ఉండటంతో ఒకేసారి 2 వాహనాలు వెళ్లలేని పరిస్థితి. బస్టాండ్ పరిసరాల నుంచి కళానగర్‌లోకి ప్రవేశం కష్టంగా మారుతోంది. దుకాణాల ఎదుట అక్రమ పార్కింగ్, రోడ్డుపై వ్యాపారుల ఆక్రమణలు సమస్యను మరింత పెంచుతున్నాయి. స్కూళ్లు, ఆఫీసుల టైంలో ట్రాఫిక్ జాం అధికమవుతూ అత్యవసర సేవలకు కూడా ఆటంకం కలుగుతోంది. మున్సిపల్ అధికారులు స్పందించి సమస్యను తీర్చాలని కోరుతున్నారు.