దిల్లీ: దేశంలో పెట్రోల్‌, డీజిల్‌కు కొరత లేదని కేంద్ర ప్రభుత్వం స్పష్టం చేసింది. 60 రోజులకు సరిపడా స్టాక్‌ ఉందని తెలిపింది. పెట్రోల్‌, డీజిల్‌, LPGకి కొరత ఉందంటూ జరుగుతున్న ప్రచారాన్ని కొట్టి పారేసింది. తప్పుదోవ పట్టించేలా ప్రచారం జరుగుతోందని ఆందోళన వ్యక్తం చేసింది. దేశవ్యాప్తంగా ఉన్నట్లుండి పెట్రోల్‌ బంకుల వద్ద వాహనదారులు బారులు తీరుతున్న నేపథ్యంలో కేంద్ర పెట్రోలియం మంత్రిత్వ శాఖ ప్రకటన విడుదల చేసింది.