పాల్వంచ మండలంలోని కిన్నెరసాని మోడల్ స్పోర్ట్స్ స్కూల్‌లో క్రీడా పాఠశాల ఎంపికల పోటీలు ఘనంగా ప్రారంభమయ్యాయి. ఈ కార్యక్రమాన్ని దమ్మపేట సహాయ గిరిజన సంక్షేమ అధికారి చంద్రమోహన్ జెండా ఊపి ప్రారంభించారు. ఈ సందర్భంగా ఆయన మాట్లాడుతూ క్రీడా పాఠశాల ఎంపికలను పూర్తిగా పారదర్శకంగా నిర్వహిస్తున్నామని తెలిపారు. పోటీలకు హాజరైన విద్యార్థులు, వారి తల్లిదండ్రుల కోసం అవసరమైన అన్ని సౌకర్యాలను ఏర్పాటు చేసినట్లు వెల్లడించారు. ఈ ఎంపికల పోటీలలో 66 మంది బాలురు, 35 మంది బాలికలు తమ ప్రతిభను ప్రదర్శించారు.