దుబాయ్ నగరం శుక్రవారం భారీ పేలుళ్ల శబ్దాలతో దద్దరిల్లింది. పెద్ద ఎత్తున పొగ కమ్ముకోవడంతో పాటు పలు భవనాలు కంపించాయని స్థానికులు తెలిపారు. నగరవాసులు తీవ్ర భయాందోళనకు గురయ్యారు. దాడిని గాల్లోనే విజయవంతంగా అడ్డుకున్నామని, దాని శకలాలు ఒక భవనం వెలుపలి భాగంపై పడటంతో స్వల్ప నష్టం వాటిల్లిందని, అధికారులు చెప్పినప్పటికీ, భవనానికి గణనీయమైన నష్టం జరిగినట్లు తెలుస్తోంది. గురువారం కూడా దుబాయ్‌లోని అల్ బదాలో "చిన్న డ్రోన్ ఘటన" చోటు చేసుకున్నట్లు అధికారులు ధ్రువీకరించారు.