వరంగల్ పట్టణంలోని గిర్మాజిపేటలో ఓ ఎలక్ట్రానిక్ షాపులో ప్రమాదవశాత్తు అగ్ని ప్రమాదం జరిగింది. దీంతో షాపులోని ఫర్నిచర్, ఎలక్ట్రానిక్ వస్తువులు పూర్తిగా దగ్ధమయ్యాయి. దీంతో నష్టం భారీ స్థాయిలో జరిగిందని స్థానికులు చెబుతున్నారు. సమాచారం అందుకున్న అగ్నిమాపక కేంద్రం సిబ్బంది సంఘటన స్థలానికి చేరుకొని మంటలను ఆర్పి వేశారు. ట్రాఫిక్ స్తంభించిపోయింది. పోలీసులు ఘ‌ట‌న స్థానానికి చేరుకొని పరిశీలిస్తున్నారు.