సోషల్ మీడియాలో తనపై అసభ్యకర వ్యాఖ్యలు చేస్తున్న వారిపై సినీ నటి రేణు దేశాయ్ తీవ్రంగా స్పందించారు. ఫేక్ అకౌంట్లు సృష్టించి ద్వేషపూరిత కామెంట్లు చేస్తున్న గుర్తించి, వారి ఇంటికే వెళ్లి తల్లిదండ్రుల ముందే నిలదీస్తానని హెచ్చరించారు. విడాకుల తర్వాత తన వ్యక్తిగత జీవితం, భరణం, రాజకీయ మద్దతు వంటి అంశాలపై నిరాధార ఆరోపణలు చేస్తున్నారని ఆవేదన వ్యక్తం చేశారు. వీధి కుక్కల సంరక్షణపై నిర్వహించిన ప్రెస్‌మీట్‌ను వక్రీకరించి దుష్ప్రచారం చేశారని అన్నారు. తన మాటలను ఎడిట్ చేసి తప్పుగా ప్రచారం చేయడాన్ని ఖండించారు. సోషల్ మీడియాలో సంస్కారం పాటించాలని, అసభ్యపదజాలం ఉపయోగించవద్దని ఆమె విజ్ఞప్తి చేశారు.