నిర్మల్: ప్రజాపాలన - ప్రజా విజయోత్సవాల్లో భాగంగా నిర్మల్ జిల్లా కేంద్రంలోని ప్రభుత్వ వైద్య కళాశాలలో ఆరోగ్య ఉత్సవాల కార్యక్రమం నిర్వహించారు. జ్యోతి ప్రజ్వలన చేసి కలెక్టర్ ఈ కార్యక్రమాన్ని లాంఛనంగా ప్రారంభోత్సవం చేశారు. జిల్లాలో నూతన ప్రభుత్వ నర్సింగ్ కళాశాల ప్రారంభించుకోవడం సంతోషకరమైన విషయమని తెలిపారు. ఈ సందర్బంగా విద్యార్థులకు కలెక్టర్ శుభాకాంక్షలు తెలియజేశారు. ప్రతీ విద్యార్థి కష్టపడి చదివి ఉన్నత స్థానంలో నిలిచి తల్లిదండ్రులకు, ఉపాధ్యాయులకు, జిల్లాకు మంచి పేరు తీసుకురావాలన్నారు.