చిట్వేలులోని శ్రీ వీరబ్రహ్మేంద్ర స్వామి ఆలయంలో 416వ జయంతి ఉత్సవాలను వైభవంగా నిర్వహిస్తున్నారు. బుధవారం ఉదయం గణపతి పూజ, పార్వతీ పరమేశ్వరుల అభిషేకం తరువాత వీరబ్రహ్మేంద్రస్వామి వారి అభిషేకం, పుష్పాలంకరణ, దీపాలంకరణ కార్యక్రమాలను నిర్వహించారు. సాయంత్రం 7 గంటల నుండి భక్తులకు, అయ్యప్ప స్వాములకు వేరుగా అన్నప్రసాద వితరణ చేయనున్నట్లు శ్రీ వీరబ్రహ్మేంద్రస్వామి ఆలయ ధర్మకర్త కట్టా రామ మోహన్ నాయుడు తెలిపారు.