ఎన్నికల్లో చారిత్రక విజయం సాధించినందుకు హృదయపూర్వక అభినందనలు మిత్రమా అంటూ అమెరికా అధ్య‌క్షునిగా గెలిచిన ట్రంప్‌కు భారత ప్రధాని మోదీ విష్‌ చేశారు. "గతంలో మీ హయాంలో జరిగిన అభివృద్ధి పునాదిగా నేటి మీ విజయం సాకారమైంది. భారత్-అమెరికా మధ్య సమగ్ర అంతర్జాతీయ, వ్యూహాత్మక భాగస్వామ్యాన్ని మరింత బలోపేతం చేసుకుంటూ ఇరు దేశాల ప్రజల జీవితాలను మెరుగుపర్చేందుకు, ప్రపంచశాంతి వికాసానికి, శ్రేయస్సు కోసం కలసికట్టుగా పాటుపడదాం" అంటూ మోదీ ట్వీట్ చేశారు.