హైదరాబాద్‌: స్వచ్ఛ భారత్‌ మిషన్‌–అర్బన్‌ కింద కేంద్ర ప్రభుత్వం నిర్వహించిన స్వచ్ఛ సర్వేక్షణ్‌ 2025–26లో గ్రేటర్‌ హైదరాబాద్‌కు జాతీయ గుర్తింపు లభించింది. తెలంగాణలోనే తొలి ‘స్వచ్ఛ నగరం’గా భాగ్యనగరం అవార్డును దక్కించుకుంది. నవంబర్‌ 11న ఢిల్లీలోని విజ్ఞాన్‌ భవన్‌లో జరిగిన కార్యక్రమంలో రాష్ట్రపతి ద్రౌపదీ ముర్ము చేతుల మీదుగా ఈ పురస్కారాన్ని అందజేశారు. మంత్రి పొన్నం ప్రభాకర్‌, జీహెచ్‌ఎంసీ కమిషనర్‌ ఆర్‌.వి. కర్ణన్‌, హెచ్‌ఎండీఏ కమిషనర్‌ సర్ఫరాజ్‌ అహ్మద్‌ అవార్డును స్వీకరించారు. పారిశుద్ధ్యం, చెత్త సేకరణ, ఘన వ్యర్థాల నిర్వహణలో నగరం చేపట్టిన చర్యలకు ఈ గుర్తింపు దక్కింది. ఈ విజయం పారిశుద్ధ్య కార్మికులు, అధికారులు, ప్రజల సమష్టి కృషి ఫలితమని జీహెచ్‌ఎంసీ పేర్కొంది.