తిరుపతి: జిల్లాలో గంజాయి అక్రమ రవాణా నియంత్రణకు పోలీసులు ప్రత్యేక నిఘా ఏర్పాటు చేశారు. ఎస్పీ ఎల్‌. సుబ్బరాయుడు ఆదేశాల మేరకుఅక్కుర్తి రైల్వే గేటు వద్ద రూరల్‌ సీఐ జి. ఇబ్రహీం సిబ్బందితో కలిసి వాహన తనిఖీలు నిర్వహించారు. ఈ సందర్భంగా ముచ్చువోలు గ్రామానికి చెందిన బర్రి మోహన్‌రెడ్డి (మాధవరెడ్డి కుమారుడు)ను అదుపులోకి తీసుకున్నారు. అతని వద్ద నుంచి 1,100 గ్రాముల గంజాయితో పాటు సెల్‌ఫోన్‌, మోటార్‌సైకిల్‌ను స్వాధీనం చేసుకున్నారు. గంజాయి అక్రమ రవాణాపై నిరంతరం నిఘా కొనసాగిస్తామని పోలీసులు తెలిపారు.