జగిత్యాల: మండలంలోని లక్ష్మీపూర్ గ్రామపంచాయతీ పరిధిలోని ఎంపీపీఎస్ పాఠశాలను డీఈఓ కే. రాము ఆకస్మికంగా తనిఖీ చేశారు. ఆంగ్ల ఉపాధ్యాయురాలు స్వప్న సుధ విద్యార్థులకు నేర్పించిన ఆంగ్ల పదాలు, వాక్యాలను విద్యార్థులు స్పష్టంగా, అనర్గళంగా చదవడం పట్ల డీఈఓ సంతృప్తి వ్యక్తం చేశారు. విద్యార్థుల్లో ఆంగ్ల భాషా నైపుణ్యాలను పెంపొందిస్తున్న ఉపాధ్యాయురాలు స్వప్న సుధను అభినందించి సన్మానించారు.