పదేళ్లలో భారత్‌లో పేదరికం గణనీయంగా తగ్గిందని ప్రపంచ బ్యాంకు ప్రశంసించింది. 2011లో 27.1%గా ఉన్న తీవ్ర పేదరికం 2023 నాటికి 2.6 శాతానికి పడిపోయినట్లు వెల్లడించింది. ఈ కాలంలో దాదాపు 49.6 కోట్ల మంది తీవ్ర పేదరికం నుంచి బయటపడ్డారని నివేదిక పేర్కొంది. ఆర్థిక వృద్ధి, ఉపాధి అవకాశాలు, సామాజిక భద్రతా పథకాలు దోహదపడ్డాయని వివరించింది. 2022–25 మధ్య భారత్ ఏటా సగటున 7 శాతానికి పైగా వృద్ధిని నమోదు చేసింది. దేశంలోని పేదల్లో 57% మంది ఉత్తర, తూర్పు ప్రాంతాల్లోనే ఉన్నట్లు నివేదిక వెల్లడించింది.