అనంతపురం జిల్లా రాప్తాడు పాఠశాలలో పదో తరగతి బాలికపై ఎలక్ట్రిక్ రంపంతో దాడి చేసిన నిందితుడు హేమంత్‌పై పోలీసులు కాల్పులు జరిపారు. ఆత్మకూరు అటవీ ప్రాంతంలో నిందితుడిని పట్టుకునేందుకు ప్రయత్నించగా పారిపోయేందుకు యత్నించాడు. ఈ క్రమంలో జరిగిన కాల్పుల్లో తీవ్రంగా గాయపడిన అతడిని అనంతపురం ప్రభుత్వ ఆసుపత్రికి తరలించారు. నిందితుడి దాడిలో రాప్తాడు సీఐకి కూడా గాయాలయ్యాయి. పాఠశాల తరగతి గదిలో గోపికపై జరిగిన దాడిలో ఆమెతో పాటు అడ్డుకునేందుకు ప్రయత్నించిన మరో విద్యార్థిని లక్ష్మి కూడా తీవ్రంగా గాయపడింది. గోపిక ప్రస్తుతం బెంగళూరులోని ప్రైవేటు ఆసుపత్రిలో చికిత్స పొందుతోంది. ఆసుపత్రి వద్ద పోలీసులు భారీ బందోబస్తు ఏర్పాటు చేశారు.
