జగిత్యాల: ఎడ్యుమార్గం స్వచ్ఛంద సంస్థ ఆధ్వర్యంలో జిల్లాలోని 50 ప్రభుత్వ పాఠశాలలకు ఇంగ్లిష్ కథల పుస్తకాలు, ఆక్స్‌ఫర్డ్ డిక్షనరీలు అందజేస్తున్నారు. గురువారం కొన్ని పాఠశాలల ఆంగ్ల ఉపాధ్యాయులకు డీఈఓ రాము పుస్తకాలను అందజేశారు. విద్యార్థుల్లో ఆంగ్ల భాషా నైపుణ్యాల పెంపునకు ఈ కార్యక్రమం దోహదపడుతుందని పేర్కొన్నారు. సంస్థ చైర్‌పర్సన్ మార్గం నాగమణిని అభినందించారు. కార్యక్రమంలో అమర్‌నాథ్ రెడ్డి, సురేష్, సంఘ నాయకులు, ఆంగ్ల ఉపాధ్యాయులు పాల్గొన్నారు.