తొందరపాటులో UPI ద్వారా వేరొకరి ఖాతాకు డబ్బులు పంపితే ఆందోళన చెందకుండా వెంటనే చర్యలు తీసుకోవాలి. ముందుగా లావాదేవీ స్క్రీన్‌షాట్‌, UTR నంబర్‌, సమయాన్ని భద్రపరచుకోవాలి. సంబంధిత పేమెంట్‌ యాప్‌లో ఫిర్యాదు చేయడంతో పాటు మీ బ్యాంకులో వివరాలు అందించాలి. పరిష్కారం లభించకపోతే NPCI ఫిర్యాదు వ్యవస్థను ఆశ్రయించవచ్చు. అనధికార లావాదేవీ లేదా మోసం జరిగితే 1930కు ఫోన్‌ చేయాలి. 1800-120-1740 అనే నంబర్‌కు కూడా వెంటనే ఫిర్యాదు చేయవచ్చు. ఎంత త్వరగా ఫిర్యాదు చేస్తే డబ్బు ఫ్రీజ్ అయ్యే అవకాశం అంత ఎక్కువగా ఉంటుంది.