కరీంనగర్: కరీంనగర్ పోలీస్ కమిషనరేట్‌తో పాటు 9వ తెలంగాణ ఎన్‌సీసీ బెటాలియన్‌కు చెందిన ఆయుధాగారాలను (బెల్ ఆఫ్ ఆర్మ్స్) కమిషనర్ గౌష్ ఆలం ఆకస్మికంగా తనిఖీ చేశారు. ఆయుధాలు, మందుగుండు సామగ్రి భద్రతను, సంబంధిత రికార్డులను పరిశీలించి సంతృప్తి వ్యక్తం చేశారు. ఆయుధాలకు క్రమం తప్పకుండా సర్వీసింగ్ చేయించాలని, భద్రతలో నిర్లక్ష్యం వహిస్తే చర్యలు తప్పవని అధికారులను హెచ్చరించారు.