తెలంగాణలో ఓటర్ల జాబితా ప్రత్యేక సమగ్ర సవరణ (SIR) ముసాయిదాను EC విడుదల చేసింది. మీ ఓటు ఉందో, లేదో తెలుసుకోవాలంటే https://www.eci.gov.in లో పైన ఉన్న SIR-2026 Download Electroal Rollపై క్లిక్ చేయాలి. ఆ తర్వాత వచ్చిన విండోలో రాష్ట్రాన్ని ఎంచుకోండి. ఆ తర్వాత మీ జిల్లా, అసెంబ్లీ నియోజకవర్గం, భాష సెలక్ట్‌ చేసుకోగానే కిందన ఓటరు జాబితాలు వరుస క్రమంలో కనిపిస్తాయి. అందులో మీ పార్ట్‌ నంబర్‌/పేరును సెలక్ట్‌ చేసి పైన కనిపించే క్యాప్చాకోడ్‌ను ఎంటర్‌ చేసి డౌన్‌లోడ్‌పై క్లిక్‌ చేయగానే.. మీ ఓటరు లిస్టు PDF రూపంలో డౌన్‌లోడ్‌ అవుతుంది. దాంట్లో మీ సీరియల్‌ నంబర్‌తో లేదా మీ పేరు/ఎపిక్‌ నంబర్‌లతో చెక్‌ చేసుకోవచ్చు. 92 లక్షల మందికి నోటీసులు ఇస్తామని రాష్ట్ర సీఈవో సుదర్శన్‌రెడ్డి చెప్పారు. 73 లక్షల మంది ASD (ఆబ్సెంట్‌, షిప్టెడ్‌, డూప్లికేట్‌) జాబితాలో ఉన్నారని CEO తెలిపారు. నోటీసులు అందుకున్న వ్యక్తులకు సెప్టెంబర్‌ 16 వరకు గడువుందని.. ఆలోపు సమాధానం ఇవ్వాలని చెప్పారు. ఎవరి ఓట్లు అయినా లేకపోతే ఫారం 6 ద్వారా దరఖాస్తు చేసుకోవచ్చని చెప్పారు. ముసాయిదా జాబితాను ఎన్నికల అధికారులు అధికారిక వెబ్‌సైట్‌లో అందుబాటులో ఉంచారు.