ఏటా స్వాతంత్ర్య దినోత్సవం సందర్భంగా పోలీసు శాఖలో సమర్థంగా పనిచేసే అధికారులకు రాష్ట్రపతి పోలీస్ అవార్డులు ప్రదానం చేస్తుంటారు. ఈసారి ఏపీ పోలీసు అధికారుల్లో సీఎం చంద్రబాబు సెక్యూరిటీ ఇన్‌ఛార్జ్ సీహెచ్.భద్రయ్యకు ప్రెసిడెంట్ పోలీసు అవార్డ్ ప్రకటించారు. సీహెచ్.భద్రయ్య ఎస్పీ ర్యాంక్ పోలీస్ ఉన్నతాధికారిగా విధులు నిర్వహిస్తున్నారు. స్వాతంత్ర్య దినోత్సవ వేడుకల్లో సీఎం చేతుల మీదుగా భద్రయ్యకు ప్రెసిడెంట్ పోలీసు అవార్డ్ ప్రదానం చేస్తారు. 35 ఏళ్లకు పైగా పోలీసు సేవలో వివిధ హోదాల్లో పనిచేస్తూ.. ప్రస్తుతం ఏపీ స్పెషల్ సెక్యూరిటీ గ్రూప్ ఎస్పీ/కమాండెంట్‌గా కొనసాగుతున్నారు భద్రయ్య. ఆయనకు ప్రెసిడెంట్ పోలీస్ మెడల్ లభించడం పట్ల పోలీసు అధికారులు, సిబ్బంది హర్షం వ్యక్తం చేశారు.