మెగా డీఎస్సీ పేరుతో రోడ్లమీదికి వచ్చిన వైసీపీ నేతలు నానా రభస చేస్తున్నారు. చంద్రగిరిలో నిర్వహించిన వైసీపీ ర్యాలీలో ప్రైవేటు భద్రతా సిబ్బంది పోలీసు యూనిఫాం తరహాలో దుస్తులు వేసుకున్నారు. చేతిలో వాకీటాకీలు పట్టుకోవడం కలకలం రేపింది. ఎస్పీ సుబ్బరాయుడు ఎక్కువమందిని బందోబస్తుకు పంపించారని అందరూ అనుకున్నారు. కానీ నేమ్‌బ్యాడ్జీలు లేకపోవడంతో కొందరిని ఆరాతీయగా ప్రైవేటు భద్రతా సిబ్బంది అని చెప్పారు. విషయం పోలీసుల దృష్టికి వెళ్లడం, కేసులు నమోదు చేస్తామని హెచ్చరించడంతో వారు అక్కడినించి జారుకున్నారు.