వెనుక వరుసగా కోడి గుడ్ల ట్రేలు.. సైకిల్‌కు హ్యాండిల్ లేదు.. అయినా ఓ యువకుడు ఎంతో నైపుణ్యంతో సైకిల్ నడుపుతున్న వీడియో సోషల్ మీడియాలో వైరల్‌గా మారింది. హ్యాండిల్ పట్టుకోకుండానే సమతుల్యతను కోల్పోకుండా చిరునవ్వుతో సైకిల్‌పై ముందుకు సాగడం చూపరులను ఆశ్చర్యానికి గురిచేస్తోంది. యువకుడి ప్రతిభను గమనించిన ఓ వ్యక్తి వీడియో తీసి సామాజిక మాధ్యమాల్లో పోస్ట్ చేయడంతో వైరల్‌గా మారింది. వీడియో చూసిన నెటిజన్లు యువకుడి నైపుణ్యాన్ని ప్రశంసిస్తున్నారు.
