కోరుట్ల: రామకృష్ణ డిగ్రీ, పీజీ కళాశాలలో ఆషాఢ మాసాన్ని పురస్కరించుకుని బోనాల సంబరాలను ఘనంగా నిర్వహించారు. ఈ సందర్భంగా ప్రిన్సిపల్ బిజ్జారపు ప్రవీణ్ కుమార్ మాట్లాడుతూ తెలంగాణ సంస్కృతి, సంప్రదాయాలు ఎంతో గొప్పవని, ఆషాఢ మాస బోనాల పండుగ విశిష్టతను విద్యార్థినులకు వివరించారు. విద్యార్థినులు, అధ్యాపకులు బోనాలు ఎత్తుకుని త్రిశక్తి మాత ఆలయం వరకు ఊరేగింపుగా వెళ్లి అమ్మవారికి బోనాలు సమర్పించారు. కళాశాల కరస్పాండెంట్ యాద రామకృష్ణ, డైరెక్టర్ గాడిపెళ్లి హరిప్రియ అంజయ్య గౌడ్ తదితరులు పాల్గొన్నారు.