చనిపోయిన తన పిల్ల డాల్ఫిన్ను విడిచిపెట్టకుండా మోసుకెళ్తున్న తల్లి డాల్ఫిన్ వీడియో వైరల్గా మారింది. పరిశోధకులు డ్రోన్తో చిత్రీకరించిన ఈ దృశ్యాల్లో, పిల్లను మళ్లీ మళ్లీ నీటి పైకి తోస్తూ కాపాడేందుకు తల్లి ప్రయత్నించడం కనిపించింది. పిల్ల డాల్ఫిన్ శ్వాస సంబంధిత సమస్యలతో మృతి చెందినట్లు పరిశోధకులు తెలిపారు. ఈ ఘటన జంతువుల్లోనూ భావోద్వేగాలు, మాతృప్రేమ ఉంటాయని మరోసారి చాటిందన్నారు నిపుణులు.
