ఎండల తీవ్రత నేప‌థ్యంలో మనుషులు కొద్దిసేపు కూర్చొని శరీర ఉష్ణోగ్రతను తగ్గించుకునేలా ప్రత్యేకంగా రూపొందించిన ‘డో హిమోన్ బాక్స్’ అనే హ్యూమన్ రిఫ్రిజిరేటర్‌ను ట్రుస్కో నకయామా సంస్థ అందుబాటులోకి తీసుకొచ్చింది. ఈ పరికరం వడదెబ్బ, అధిక వేడి కారణంగా వచ్చే ఆరోగ్య సమస్యలను తగ్గించేందుకు ఉపయోగపడేలా రూపొందించారు. ఈ ఫ్రిజ్‌లో ఒక వ్యక్తి కూర్చునేంత స్థలం ఉంటుంది. గాజు తలుపు మూసిన వెంటనే తల, మెడ, భుజాలపై చల్లటి గాలి వేగంగా తగులుతుంది. దీంతో కొద్ది నిమిషాల్లోనే శరీరానికి చల్లదనం అందుతుంది.