అపరిమితమైన విద్యుత్ ఉత్పత్తి లక్ష్యంతో చేపట్టిన ‘కృత్రిమ సూర్యుడు’ ప్రాజెక్టులో చైనా కీలక మైలురాయిని సాధించింది. Nuclear Fusion రియాక్టర్ కోసం స్వదేశీ సాంకేతికతతో రూపొందించిన ప్రపంచంలోనే అతిపెద్ద 582 టన్నుల సూపర్‌కండక్టింగ్ అయస్కాంతాన్ని చైనా శాస్త్రవేత్తలు విజయవంతంగా పరీక్షించారు. సూర్యునిలో జరిగే అణు సంలీన ప్రక్రియ ద్వారా 10 కోట్ల డిగ్రీల సెల్సియస్ కంటే ఎక్కువ ఉష్ణోగ్రత కలిగిన ప్లాస్మాను నియంత్రించడంలో ఈ భారీ మాగ్నెట్ కీలక పాత్ర పోషిస్తుంది. కార్బన్ రహిత, పర్యావరణహిత ఇంధన ఉత్పత్తికి బాటలు వేస్తూ.. 2030 నాటికి ఫ్యూజన్ విద్యుత్ ఉత్పత్తి సాధించడమే లక్ష్యంగా చైనా వేగంగా అడుగులు వేస్తోంది.