రెండు రోజులుగా కురుస్తున్న ఎడతెరిపిలేని వర్షాలకు ఇప్పపల్లి గ్రామంలో రోడ్డుపక్కనున్న చెట్టు కూలి ట్రాఫిక్‌కు అంతరాయం కలిగించింది. సమాచారం అందుకున్న కథలాపూర్ ఎస్సై రవికిరణ్ సిబ్బందితో కలిసి వర్షంలోనే చెట్టును తొలగించి రాకపోకలను పునరుద్ధరించారు. వర్షాల కారణంగా ఎలాంటి అత్యవసర పరిస్థితులు ఎదురైనా వెంటనే పోలీసులకు సమాచారం ఇవ్వాలని ప్రజలకు సూచించారు. అత్యవసరం ఉంటే తప్ప బయటకు రావద్దని హెచ్చరించారు. ఈ కార్యక్రమంలో కానిస్టేబుళ్లు శ్రీకాంత్, ముత్తయ్య పాల్గొన్నారు.