మెట్‌పల్లి పట్టణంలోని అశోక్ రెడ్డి ఆస్పత్రి వైద్యుడు డా. అశోక్ రెడ్డిపై ఇబ్రహీంపట్నం పోలీస్ స్టేషన్‌లో కేసు నమోదు చేసినట్లు ఎస్సై నవీన్ కుమార్ తెలిపారు. బండలింగాపూర్ గ్రామానికి చెందిన ఆత్మకూరు ఉషారాణి ఫిర్యాదు మేరకు, డా. అశోక్ రెడ్డి ఆదివారం ఉదయం వారి ఇంటికి వెళ్లి గేటు కొడుతూ దుర్భాషలాడి, చంపుతానని బెదిరించారని పేర్కొన్నారు. ఈ ఫిర్యాదు ఆధారంగా కేసు నమోదు చేసి దర్యాప్తు చేపట్టినట్లు ఎస్సై వెల్లడించారు.