హైదరాబాద్ కి దూరంగా ఉన్న గ్రామాలు, కాలనీలు కూడా అభివృద్ధికి చిరునామాగా మారుతున్న రోజులివి. అయితే గ్రేటర్ హైదరాబాద్ కి ఆనుకుని ఉన్న ఇస్నాపూర్ మునిసిపాలిటీలో భాగమయిన చిట్కుల్ గ్రామ పరిధిలోని సనా వెంచర్ 1 రమణీయ కాలనీ అభివృద్ధికి నోచుకోవడం లేదు. 2009లో ఏర్పాటైన సనా వెంచర్ 1 లో 250 వరకూ ఇండిపెండెంట్ ఇళ్ళున్నాయి. ఇది NH 65 మరియు నెహ్రూ ఔటర్ రింగ్ రోడ్ వంటి ప్రధాన రహదారులకు సమీపంలో ఉంది. అయితే ఈ కాలనీకి సంబంధించి గత పదేళ్ళుగా ఎలాంటి అభివృద్ధి లేదు. ఇంటర్నల్ రోడ్లు లేవు. కాలనీని పట్టించుకునే నాథుడే లేడని కాలనీ వాసులు మండిపడుతున్నారు.