సూపర్ స్టార్ మహేశ్ బాబు, దర్శకధీరుడు ఎస్.ఎస్. రాజమౌళి కాంబినేషన్‌లో తెరకెక్కనున్న ‘వారణాశి’చిత్రానికి సంబంధించి కీలక అప్ డేట్ వచ్చింది. ఈ ప్రతిష్టాత్మక చిత్రానికి సంబంధించి టైటిల్‌పై నెలకొన్న సందిగ్ధతకు తెరపడింది. ఈ టైటిల్‌ను గతంలోనే తెలుగు ఫిలిం ఛాంబర్ ఆఫ్ కామర్స్‌లో రిజిస్టర్ చేయించుకున్న దర్శకుడు సుబ్బారెడ్డి, చిత్ర యూనిట్ కోరిక మేరకు దానిని స్వచ్ఛందంగా వదులుకున్నారు.