కొత్తగూడెం పట్టణంలోని పలు ప్రైవేట్ ఆసుపత్రులను జిల్లా వైద్య ఆరోగ్య అధికారి డా. తుకారాం తనిఖీ చేశారు. ఆసుపత్రుల్లో అందుబాటులో ఉన్న సేవలు, ధరల వివరాలు ప్రజలకు కనిపించేలా ఉంచాలని, విధుల్లో ఉన్న వైద్యుల పేర్లు ప్రదర్శించాలని, వైద్య వ్యర్థాలను సక్రమంగా నిర్వహించాలని సూచించారు. ప్రథమ చికిత్స కేంద్రాల తనిఖీలో అధిక శక్తి మందులు నిల్వలో ఉండటం గమనించి ఇద్దరికి నోటీసులు జారీ చేసి, 6 రోజుల్లో వివరణ ఇవ్వాలని ఆదేశించారు.