నేషనల్ అండర్ 55 కేజీ బాడీ బిల్డింగ్ విభాగంలో నేషనల్ సిక్స్ ర్యాంక్ సాధించిన మిట్టపల్లి అభిరామ్‌ను బీఆర్‌ఎస్ నాయకులు సన్మానించారు. ఈ సందర్భంగా జిల్లా రైతు నాయకుడు గడ్డం భూమారెడ్డి మాట్లాడుతూ, మన మండలం నుంచి నేషనల్ స్థాయిలో ఆరో స్థానం సాధించడం గర్వకారణమని, అభిరామ్ ప్రతిభ అభినందనీయమని అన్నారు. మండలంలోని యువత వ్యసనాలకు దూరంగా ఉండి జిమ్‌, క్రీడలపై దృష్టి పెట్టాలని పిలుపునిచ్చారు. నేషనల్ స్థాయిలో సత్తా చాటిన అభిరామ్ మండలానికి ఆదర్శమన్నారు.