హైదరాబాద్‌ చరిత్రలోనే ఎకరా రికార్డు ధర. HMDA ఆధ్వర్యంలో కోకాపేటలోని నియోపోలిస్‌ లేఅవుట్‌లో నిర్వహించిన ఈ-వేలంలో ఎకరం ₹ 151.25 కోట్ల రికార్డు ధర పలికింది. లక్ష్మీనారాయణ కంపెనీ ప్లాట్‌ నంబరు 15లో 4.03 ఎకరాలు.. ఎకరం ₹ 151.25 కోట్లు చొప్పున, గోద్రెజ్‌ ప్రాపర్టీస్‌ ప్లాట్ నం. 16లో 5.03 ఎకరాలు.. ఎకరం ₹ 147.75కోట్ల చొప్పున దక్కించుకున్నాయి. నియోపోలిస్‌లోని ప్లాట్‌ నంబర్‌ 15, 16లోని 9.06 ఎకరాలను ప్రభుత్వం వేలం వేయగా.. ₹ 1,353 కోట్ల ఆదాయం లభించింది. ఈ లేఔట్ లో HMDA ప్రారంభ ధర ₹99 కోట్లుగా నిర్ణయించింది.