విమెన్స్‌‌ వన్డే వరల్డ్‌‌ కప్‌‌–2029ను 10 జట్లతో నిర్వహించాలని ఐసీసీ నిర్ణయించింది. ప్రస్తుతం ఉన్న 8 జట్ల ఫార్మాట్‌‌ను విస్తరించనుంది. ‘ఇండియాలో జరిగిన వన్డే వరల్డ్‌‌ కప్‌‌కు భారీ ఆదరణ లభించింది. మరిన్ని దేశాలకు విస్తరించేందుకు మేం సిద్ధంగా ఉన్నాం. వచ్చే ఎడిషన్‌‌లో 10 జట్లకు అవకాశం కల్పిస్తాం. ఈ సారి మెగా కప్‌‌ పోటీలను 3 లక్షల మంది స్టేడియాల్లో వీక్షించారు. విమెన్స్‌‌ క్రికెట్‌‌లో ఇదో రికార్డు. ఆన్‌‌ స్క్రీన్‌‌ ప్రేక్షకుల సంఖ్య కూడా భారీగా పెరిగింది. ఇండియాలో 500 మిలియన్ల వ్యూయర్‌‌షిప్‌‌ నమోదైంది’ అని ఐసీసీ పేర్కొంది. మాజీ కెప్టెన్​ మిథాలీ రాజ్, అమోల్​ మజుందార్​​ను విమెన్స్​ క్రికెట్​ కమిటీలోకి తీసుకున్నారు.