మహాత్మాగాంధీపై ఇటీవల అనుచిత వ్యాఖ్యలు చేసిన నటుడు శ్రీకాంత్‌ అయ్యంగార్‌.. తాజాగా క్షమాపణలు చెప్పారు. తాను పెట్టిన పోస్టు చాలామంది మనోభావాలను దెబ్బతీసిందని, వారందరికీ సారీ చెప్పారు. శ్రీకాంత్‌ వ్యాఖ్యల పట్ల తీవ్ర అభ్యంతరం వ్యక్తమైంది. శ్రీకాంత్‌పై కఠిన చర్యలు తీసుకోవాలంటూ సైబర్‌ సెల్‌ పోలీసులకు ఫిర్యాదు చేసిన ఎమ్మెల్సీ బల్మూరి వెంకట్‌.. ‘మా’ అధ్యక్షుడు మంచు విష్ణుకు ఫిర్యాదు చేశారు. శ్రీకాంత్‌ ‘మా’ సభ్యత్వాన్ని రద్దు చేయాలని కోరారు. పబ్లిసిటీ కోసమే చరిత్రను ఆయన వక్రీకరించారని విమర్శించారు. . ఈ పరిణామాల నేపథ్యంలో శ్రీకాంత్ స్పందించారు.