తెలంగాణ బతుకమ్మ కీర్తి విశ్వవ్యాప్తమైంది. 2 గిన్నిస్‌ రికార్డ్‌ల‌ను సాధించింది. హైదరాబాద్​లోని సరూర్‌నగర్‌ మైదానంలో నిర్వహించిన బతుకమ్మ వేడుక‌ అతి పెద్ద జానపద నృత్యంగా, అతిపెద్ద బతుకమ్మగా రికార్డు సృష్టించింది.63 అడుగుల ఎత్తయిన భారీ బతుకమ్మ ఏర్పాటు చేశారు. ఒకేసారి 1354 మంది మహిళలతో బతుకమ్మ వేడుకలు నిర్వహించారు. తీరొక్క పూలతో పూలతో పేర్చిన భారీ బతుకమ్మ చుట్టూ మహిళలందరు ఆడిపాడారు. మంత్రి సీతక్క బతుకమ్మపాట పాడి అలరించారు. ఈ వేడుక‌లో మిస్‌ వరల్డ్ ఓపల్ సూచాత, మంత్రులు సీతక్క, జూపల్లి కృష్ణారావు, హైదరాబాద్‌ మేయర్‌ గద్వాల విజయలక్ష్మి తదితరులు ఉత్సాహంగా పాల్గొన్నారు.