తెలంగాణలో మరో మూడు రోజుల పాటు భారీ వర్షాలు కురుస్తాయ‌ని వాతావ‌ర‌ణ శాఖ వార్నింగ్ ఇచ్చింది. ఆదిలాబాద్, నిర్మల్, నిజామాబాద్, వికారాబాద్, సంగారెడ్డి, మెదక్, కామారెడ్డి, మహబూబ్‌నగర్, నారాయణపేట్ జిల్లాల్లో భారీ వర్షాలు కురిసే అవకాశం ఉంద‌ని పేర్కొంది. ఆయా జిల్లాలకు ఎల్లో అలర్ట్స్ జారీ చేసింది. ఉరుములు, మెరుపులు ఈదురుగాలులతో కూడిన వర్షాలు కురిసే అవకాశం ఉంద‌ని, జాగ్ర‌త్త‌గా ఉండాల‌ని సూచించింది.