పోలీస్ స్టేషన్లకు ఏపీ హోం మంత్రి వంగలపూడి అనిత శుభవార్త తెలిపారు. నెల రోజుల్లో అన్ని పోలీస్ స్టేషన్లకు నూతన వాహనాలు అందుబాటులోకి వస్తాయని ఆమె వెల్లడించారు. అనకాపల్లి జిల్లా నక్కపల్లిలో నూతన పోలీస్‌స్టేషన్‌ భవన నిర్మాణానికి డీజీపీ హరీశ్ కుమార్ గుప్తాతో కలిసి ఆమె నిన్న శంకుస్థాపన చేశారు.ఈ సందర్భంగా జరిగిన సభలో హోం మంత్రి అనిత మాట్లాడుతూ, రాష్ట్రంలో శాంతిభద్రతల పరిరక్షణకు ముఖ్యమంత్రి చంద్రబాబు నేతృత్వంలోని కూటమి ప్రభుత్వం నిబద్ధతతో పనిచేస్తోందని అన్నారు.