మెట్‌పల్లి: వ్యవసాయ మార్కెట్‌లోని సివిల్ సప్లై గోదాంలో ఆదివారం భారీ అగ్ని ప్రమాదం సంభవించింది. గోదాంలో నిల్వ ఉన్న ఖాళీ గన్నీ సంచులు ఒక్కసారిగా మంటల్లో చిక్కుకోవడంతో ఈ ప్రమాదం చోటు చేసుకుంది. గోదాం నుంచి దట్టమైన పొగలు రావడంతో స్థానిక రైతులు, సిబ్బంది వెంటనే అగ్నిమాపక సిబ్బందికి సమాచారం అందించారు. ప్రమాదంలో సుమారు రూ. 8 లక్షలు విలువ చేసే గన్నీ సంచులు దగ్ధమైనట్లు అధికారులు అంచనా వేస్తున్నారు.